ԼՂՀ ԱՆ. Նոր հեռանկարներ վիրաբուժությունում

ԼՂՀ առողջապահության նախարարության հրավերով կրկին Արցախ է ժամանել Երևանի «Էրեբունի» բժշկական կենտրոնի վիրաբուժության գծով տնօրենի տեղակալ, բժշկական գիտությունների դոկտոր, պրոֆեսոր, ուրոլոգ Միքայել Մանուկյանը:

Հանրապետական ԲԿ-ի տնօրեն, վիրաբույժ Կարեն Բազիյանի հետ միասին պրոֆեսորը լապարասկոպիկ եղանակով հեռացրել է երիկամի բարորակ գոյացությունը, ինչն աննախադեպ էր Արցախի վիրաբուժության մեջ:

Մասնագետները փաստում են, որ վիրահատական այս մեթոդը հիմք կդնի Արցախում լապարասկոպիկ վիրահատությունների իրականացմանը, ինչը նոր հեռանկարներ կբացի վիրաբուժության հետագա առաջընթացի համար: Ժամանակակից վիրաբուժության մեջ առկա են փակ եղանակով վիրահատությունների իրականացման տենդենցներ:

Վիրահատության նման եղանակը գրեթե աննշան վիրահատական կտրվածքների հետքեր է թողնում,բացի այդ, հնարավորություն է տալիս արագ վերականգնվել, ինչի արդյունքում 1-2 օրից հիվանդը դուրս է գրվում հիվանդանոցից: Այս ամենը անհնար կլիներ իրականացնել առանց Հանրապետական ԲԿ-ում առկա ժամանակակից սարքավորումների ու արհեստավարժ մասնագետների:

Այցի ընթացքում պրոֆեսոր Մանուկյանը իրականացրել է 4 տարբեր տեսակի վիրահատություններ:

Հարցեր, պատասխաններ, մեկնաբանություններ